Një burrë është arrestuar nga njësia anti-terror e Britanisë së Madhe, nën dyshimin se kishte spiunuar për Rusinë.
I dyshuari që është në të 40-at, akuzohet për spiunim në Britani të Madhe – duke shërbyer për Vladimir Putinin, transmeton Telegrafi.
Ai u arrestua nga policia britanike në aeroportin Gatwick të Londrës. Ai po bëhej gati që të largohet nga vendi kur u kap nga forcat e rendit.
Arrestimin e tij e ka konfirmuar edhe Scotland Yard, ku është bërë e ditur se dyshohet për spiunim. /Telegrafi/