Policia në Prizren njofton se është arrestuar një person i dyshuar për një vrasje të kryer në vitin 2013.
Me datën 04 qershor të vitit 2013, në rrugën “Qazim Berisha”, afër rrethit të Bazhdarhanes pati ndodhur një vrasje e rëndë me ç’ rast një qytetar i Shqipërisë e pati vrarë motrën e tij dhe kishte arritur të ikte në drejtim të panjohur. “Hetuesit rajonal në asnjë moment nuk i kishin pushuar hetimet lidhur me rastin dhe së fundmi kanë arritur që të sigurojnë informacione për të dyshuarin i cili po fshihej në Britani të Madhe dhe falë bashkëpunimit të Policisë së Kosovës dhe asaj Britanike, sot është ekstraduar në Policinë e Prizrenit”, njofton policia.
Të dyshuarit S. K. pas intervistës në prani të avokatit mbrojtës, nga prokurori i shtetit i është lëshuar vendimi për ndalim për 48 orë.