29.2 C
Prizren
E shtunë, 13 Shtator, 2025

Erdogan planifikon të bisedojë me Putinin për referendumet e rreme

Presidenti turk, Recep Tayyip Erdogan, planifikon të bisedojë të enjten me presidentin rus, Vladimir Putin, për referendumet ilegale që ka mbajtur Moska në disa rajone të Ukrainës.

Erdogan ka thënë të mërkurën se presidenti ukrainas, Volodymyr Zelensky, ka kërkuar mbështetjen e Turqisë për rajonet e prekura dhe që “ta bindim Putinin”.

“Do të dëshiroja që të mos mbanin referendumet, dhe që ne të mund të zgjidhnim këtë problem përmes rrugëve diplomatike”, ka thënë ai.

Referendumet e rreme, që janë mbajtur në katër rajone në jug dhe lindje të Ukrainës, nuk njihen ndërkombëtarisht, sepse janë mbajtur në kundërshtim me ligjet ukrainase dhe ato ndërkombëtare.

Rusia ka nisur luftën në Ukrainë më 24 shkurt.

Ekspertët perëndimorë besojnë se Putin po tenton të marrë kontrollin e territoreve ukrainase përmes referendumeve, pasi diçka të tillë nuk ka arritur ta bëjë në fushëbetejë.

Turqia është anëtare e aleancës veri-atlantike të NATO-s, dhe ka marrëdhënie të mira me Ukrainën.

Ajo është po ashtu e afërt me Rusinë.

Në bisedën telefonike mes Putinit dhe Erdoganit, dy liderët pritet të diskutojnë edhe planet për ndërtim të një stacioni të ri bërthamor në Sinop, rajon turk në Detin e Zi.

Centrali i parë bërthamor i Turqisë, Akkuyu, është duke u ndërtuar në jug të Turqisë.

Kompania shtetërore ruse, Rosatom është e angazhuar në ndërtimin e tij./REL

Më Shumë

Si u rishkrua “Lahuta e Malcisë”, në vitin 1986, u kopjuan me shkrim dore 30 këngët e veprës të ndaluara nga komunizmi

Në letrën e shkruar në vitin 1986 nga Nike Toma në Fishtë të Lezhës janë kopjuar 30 këngë të “Lahutës së Malcisë” në 730...

Rreth 60 mijë vetë në Hardh Fest – Policia garantoi rendin gjatë festivalit në Rahovec

Nga data 05 deri më 07 shtator 2025, në Bërnjakë – Rahovec u zhvillua Festivali i Rrushit, Verës dhe Kulturës, “Hardh Fest 2025”. Drejtoria...

Lajmet e Fundit