Ditë dhe natë për të luftuar kundër një armiku të padukshëm. Ditë dhe natë për të gjetur një dritë në fund të tunelit. Fati i kaq shumë mjekëve dhe infermierëve muajt e fundit është pikërisht ky . Pasi në sallë apo në korridore, ata janë aty për t’iu dhënë forcë personave të infektuar nga virusi famkeq, Covid-19.
Një krizë shëndetësore që ka gjunjëzuar Italinë, por edhe më gjerë.Të mendosh për ndonjë gjë tjetër, veçanërisht për ata që janë të përfshirë direkt në këtë situatë, sigurisht që nuk është e lehtë.
Por për të mos u ndier vetëm, disa prej mjekëve në Itali kanë vendosur që të mbajnë mbi shpinë emrat dhe numrat e lojtarëve të tyre të preferuar.
Të shkruara me një stilolaps të thjeshtë mbi veshjet e tyre fotot e mjekëve kanë emocionuar shumë njerëz në shtetin fqinj.