18.8 C
Prizren
E martë, 16 Prill, 2024

Fenomeni i ndryshimit të mbiemrave shqiptarë në turq në Prizren për përfitime materiale

Ndryshimi i mbiemrave nga shqiptar në mbiemra turq është kthyer në një fenomen tek banorët e Prizrenit në Kosovë.

Kjo vihet re te të rinjtë apo ata që duan të zenë një vend pune në administratën e shtetërore dhe në isntitucione si policia. Kjo ndodh, pasi ligji favorizon punësimin e pakicave kombëtare në Kosovë.

Vetëm gjatë këtij viti 72 banorë të Prizrenit kanë aplikuar për ndryshim mbiemri. Mbiemrat ndryshojnë nga Gashi në Ga?, Mazreku – Mazrek, Bytyqi- Bütüc, Krasniqi –Krasnic, Thaqi – Tac, Kryeziu – Krüezi , Shala -?ala duke u kthyer në një fenomen në vitet e fundit.

Kjo falë edhe procedurës së thjesht për të ndryshuar mbiemrin në Kosovë.

Mjafton një kërkesë në Njësinë Administrative Prizren. Pas verifikim që bëhet në dëshminë e penalitetit mbiemri ndryshohet nga shqiptar në turk.

Të pyetur mbi këtë fenomen vetë qytetarët e Prizrenit pohojnë se kjo bëhet për interesa politike, fetare apo punësimi në administratën shtetërore.

“Një dëm i madh që i bëhet si gjuhes, por edhe mbiemrave puro- shqiptarë” shprehen prizrenasit.

Zanafilla e këtij fenomeni daton që nga periudha e ish-Jugosllavisë, ku bëhej propagandë për asimilimin e popullsisë shqiptare, duke u dhënë atyre të drejtën e mundësisë së ndryshimit të mbiemrave, për të kaluar në një kombësi në tjetrën .Në atë periudhë mbiemrat shqitparë me një prapashtesë “jaj” ndryshonin dhe ktheheshin në mbiemra jugosllave. Gjë e cila po përsëritet ditët e sotme me ndryshimin e mbriemrave nga shqiptarë në turq.

 

Fiksi u interesua në lidhje me këtë fenomen me një njohës të historisë, Magjistrin e Shkencave të Historisë z.Enver Batiu.

Kjo sipas tij vjen si rezultat i ndikimit ekonomiko- financiar që Turqia ka aktualisht në Kosovë.

“Ata po mundohen të rrisin numrin e pjestarëve turq në Prizren , duke u mundësuar të rinjëve bursa për të studiuar në shtetin turk” shprehet z. Batiu.

Por nuk harron të përmendi edhe traditën që ka qenë ndër vite në Prizren, ku shqipja identifikohej si gjuha e fshatarëve dhe turqishtja si e qytetarëve.

Fenomeni është ripërsëritës sipas magjistrit të historisë njësoj siç kishte vepruar Serbia, me qëllim zvogëlimin e numrit të shqiptarëve.

Ata që ndryshonin mbiemrin e regjistroheshin si turq apo ndonjë nacionalitet tjetër, përfitonin benifite, një shtëpi ose pesë hektar tokë.

Në një regjistrim që është bërë nga Mali i Zi në vitin 1913 lidhur me gjendjen e popullatës në Prizren nuk figuronte asnjë turk.

Mirëpo nga vet shqiptarët u krijuan edhe shumë nacionalitete të tjera, fenomen i cili po vazhdon që të jetë i pranishëm edhe ditëve të sotme.

https://telegrafi.com/fenomeni-ndryshimit-te-mbiemrave-shqiptar-ne-turq-per-perfitime-ne-prizren/

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

“Eli –Edona”, mobilieria me oferta më të mira në Prizren

Më Shumë

“Pata bashkëbisedim të ngrohtë”, Abidixhiku viziton fshatin Bellanicë të Malishevës

Kryetari i Lidhjes Demokratike të Kosovës (LDK), Lumir Abdixhiku, vizitoi fshatin Bellanicë të Malishevës, ku u prit në shtepinë e familjes Kafexholli. Në një postim...

Gjermania sot i dhuron automjete FSK-së

Sot në kazermën e FSK-së “Adem Jashari” do të mbahet ceremonia e pranim-dorëzimit të donacionit me automjete nga Republika Federale e Gjermanisë për Forcën...

Lajmet e Fundit