Ngjarja e rëndë e ndodhur dje në Kurbin ka tronditur mbarë opinionin publik.
Policia ka zbardhur edhe detajet e ngjarjes së rëndë ku vëllai vrau vëllanë me kallashnikov.
Afrim Sela vrau vëllanë e tij 33-vjeçar Fabjan Sela pas një debati.
Familja Sela ishte mbledhur për të festuar ditëlindjen e një të afërmi dhe vëllai i madh Afrim Sela nisi një debat me viktimën për shkak të një konflikti të vjetër.
Gjakrat u nxehën shumë pasi dy vëllezërit kishin pirë dhe Fabjan Sela u çua nga tavolina për t’u drejtuar drejt banesë së tij e cila ishte 50 metra larg.
Por autori i vrasjes Afrim Sela e ka ndjekur deri në banesë ku e ka goditur me breshëri plumbash nga të cilat 3 kanë goditur viktimën.
Ai është transportuar në Spitalin e Traumës në Tiranë por ka humbur jetën dy orë pas ngjarjes për shkak të plagëve të rënda.
Policia e ka arrestuar autorine vrasjes në Fushë-Krujë ku ishte fshehur në banesën e djalit të tezes.