Vetëm 16 këngë janë përzgjedhur për të konkuruar këtë vit në Festivalin e Këngës në Radio-Televizionin Shqiptar në edicion e tij të 52-të. Si çdo vit kënga fituese do të përfaqësojë Shqipërinë në Eurovizion.
Luiz Ejlli, Marjeta Billo, Sajmir Braho, Frederik Ndoci, Rezarta Smaja, Xhejsi Jorgaqi, Klodian Kaçani, etj janë disa nga këngëtarët që do të konkurojnë në festivalin më të vjetër të muzikës së lehtë shqiptare. Ajo që vihet re këtë vit, përveç numrit të vogël të pjesëmarrësve është mungesë e emrave të njohur të muzikës.
RTSH ka bërë me dije se dy netë gjysmë-finaliste do të mbahen në datat 26 dhe 27 dhjetor, ndërsa finalja e madhe do të mbahet në 28 nëntor në Pallatin e Kongreseve. Ditën e nesërme, pranë RTSH-së, organizatorët e festivalit do të prezantojnë për mediat formulën e festivalit te ketij viti.
Në edicionin e fundit të Eurovizionit, Shqipëria u prezantua me këngën “Identitet” të kënduar nga Bledar Sejko & Adrian Lulgjuraj, por nuk arriti të hyjë në finale.