3.8 C
Prizren
E shtunë, 26 Nëntor, 2022

Filloi puna për ndryshimin dhe plotësimin e statutit të Komunës së Malishevës

Pas vendimit të Kuvendit të Komunës për ndryshimin dhe plotësimin e statutit të Komunës së Malishevës, të mërkurën është mbajtur mbledhja e parë e komisionit të formuar për hartimin e draftit të statutit të ri. Mbledhja është drejtuar nga kryesuesi i KK të Malishevës, Argjend Thaçi.

Në këtë mbledhje, nënkryetari i Komunës së Malishevës, Vesel Krasniqi, anëtar i komisionit, në fjalën e tij, ndër të tjera tha se Komuna e Malishevës punon ende me statutin e vitit 2008.

“Prandaj zhvillimet si në ligje dhe në akte normative tjera kanë ndryshuar, ashtu edhe zbatimi ende i këtij statuti po na paraqet vështirësi në nxjerrjen e shumë vendimeve dhe kryerjen e punëve, kështu që nisma për ndryshimin dhe plotësimin e aktit më të lartë të Komunës së Malishevës do të ndihmonte shumë, jo vetëm ekzekutivin, kuvendin por edhe drejtoritë e sektorët tjerë si dhe vet qytetarët e grupet e interesit në Komunën e Malishevës”, ka thënë Krasniqi, duke kërkuar bashkërendim të punëve në vazhdim mes anëtarëve të komisionit.

Në këtë komision janë të përfshirë të gjitha subjektet politike që janë pjesë e Kuvendit të Komunës së Malishevës, ekzekutivi dhe shoqëria civile. Ky komision do të vazhdoj punën e tij, deri në hartimin e draftit të statutit dhe më të vazhdohet me konsultime-debate publike, deri në finalizim.

Më Shumë

Çfarë do të bëjë Budweiser me birrat e mbetura pas ndalimit të alkoolit nga Katari në Kupën e Botës?

Birra dhe futbolli zakonisht shkojnë krah për krah, por në Kupën e Botës Katar 2022 ky rregull i pashkruar u thye pasi vendi pritës...

Lëndohet një punëtor në Prizren

Një burrë ka pësuar lëndime të rënda trupore pasi që i njëjti ishte lënduar gjersa ishte duke punuar në vendin e tij të punës. Në...

Lajmet e Fundit