Filmi “Pauza e drekës” e artistes Sharon Lockhart u shfaq të mërkurën në Prishtinë. Ekrani i madh i Modeleriumit të Fakulteti të Arkitekturës u ndez për këtë film, i cili u shfaq në kuadër të tri ditëve përmbyllëse të edicionit të dhjetë të ekspozitës ndërkombëtare çmimi “Muslim Mulliqi”.
Koncepti kuratorial i kësaj ekspozite ka qenë “Si e rënë nga qielli – një sens i mendësisë publike”, ndërsa kuratore ishte Corinne Diserens. Fituese e këtij edicioni ishte Flaka Haliti me veprën e titulluar “Kapuçat nevojiten pas kësaj pike”.
Ky film duket të jetë një homazh për artistin Allan Sekula, i cili vdiq vitin e kaluar”, ka thënë Augustijnen, i cili të premten do të mbajë ligjëratë pas shfaqjes së filmit të tij “Fantazmat”, kur bashkë me kuratoren e ekspozitës zyrtarisht do ta përmbyllin këtë edicion të ekspozitës “Muslim Mulliqi”.
“Pauza…” nuk ishte i vetmi film që u shfaq të mërkurën në kuadër të këtij programi të organizuar nga Galeria Kombëtare e Kosovës. Programi u hap me shfaqjen e filmit “Secretion” të Willie Doherty, i cili u shfaq në GKK./KD/