Nën organizimin e Koordinatorit Nacional për Kulturë, Rini dhe Sport në kuadër të kampeve kreative nxënësit fitues të nivelit republikan vizituan sot qytetin e Prizrenit.
Vizita e parë u zhvillua në Kompleksin Monumental të Lidhjes Shqiptare të Prizrenit ku nëpërmjet ciceronit nxënësit u njoftuan me historikun e saj.
Më pas ata vizituan edhe një nga atraksionet kryesore, Kalanë e Prizrenit ku nga muret e lashta e kalasë shijuan bukuritë e qytetit të vjetër si dhe vazhduan vizitën edhe në Parkun e Marashit.
Nxënës të klasave VI, VII, VIII dhe IX, po shpërblehen me kampe kreative për të arriturat e tyre si më të mirët e republikës në kuadër të Garave Nacionale të Kreativitetit Kulturor dhe Mendimit kritik si dhe në Garat Nacionale të Diturisë.
Pjesë e grupit të parë të kampit kreativ janë rreth 100 nxënës nga komuna e Mitrovicës, Kaçanikut, Deçanit, Junikut, Hanit të Elezit, Shtimes, Gjilanit, Vushtrrisë, Skënderajt, Kamenicës dhe Klinës.
