31.8 C
Prizren
E enjte, 18 Gusht, 2022

Fjalimi i eurodeputetit Mandl: Kosova e ka paguar me gjak lirinë, por qytetarët e saj nuk kanë liri të lëvizjes

Eurodeputeti Lukas Mandl në një fjalim në Parlamentin Evropian rikujtoi se populli i Kosovës me gjak ka paguar lirinë që sot e gëzon, ndonëse ndër përkrahësit më të mëdhenj të proceseve integruese është vendi i vetëm në Evropë që nuk ka liberalizim të vizave.

“Gjashtë vendet e Ballkanit Perëndimor janë të rëndësishme për të ardhmen e Evropës. Sot do të flasim për Republikën e Kosovës, raportin për Kosovën.

Dua të them se Kosova e ka paguar me gjak lirinë… Bashkimi Evropian dhe Shtetet e Bashkuara të Amerikës e kanë ndihmuar vendin që të fitojë pavarësinë. Ky vend është bërë demokratik dhe ka sundim të ligjit.

Është një demokraci e qëndrueshme… Po sundimi i ligjit duhet të përmirësohet, por ata kanë një Kushtetutë të fuqishme… Ky shtet është njohur më shumë se 100 shtete, përfshirë edhe Izraelin.

Ky shtet është i vetmi shtet në Ballkanin Perëndimor që nuk e gëzon liberalizimin e vizave….

Shumë mund të mësohet nga njerëzit e Kosovës, demokracisë më të re në Evropë”, tha ndër të tjera eurodeputeti austriak Mandl.

Ndryshe, sot Parlamenti Evropian do të votojë raportet për Kosovën, Serbinë dhe Bosnjë e Hercegovinën, që ishin miratuar para një muaji në Komisionin e Politikës së Jashtme. Votimi pason debatin e zhvilluar të martën mbrëma në Parlamentin Evropian për këto raporte. /telegrafi

Më Shumë

Barca dhe Xavi nuk pajtohen për Aubameyang

Klubi nga Londra, Chelsea, ka aranzhuar takimin e radhës këtë javë me përfaqësuesit e Pierre Aubameyang, sipas gazetarit Fabrizio Romano. Anglezët dëshirojnë të arrijnë marrëveshje...

Gruaja në Prizren pret venat pasi u grind me bashkëshortin që s’e la të shkojë te motra e saj

Një ngjarje e rëndë ka ndodhur të dielën në Prizren, ku një grua ka tentuar t’i japë fund jetës së saj. Burimet e Gazetës Sinjali...

Lajmet e Fundit