Shkrimtari, muzikanti dhe regjisori i njohur francez, David Foenkinos, autori i librit bestseller “Delikatesa”, thotë se ndihet i lumtur për suksesin që libri i tij e ka shënuar edhe në gjuhën shqipe.
“Jam i kënaqur që e marr këtë lajm. Mezi po pres takimin me lexuesit që do ta kem në Aleancën Franceze dhe gjatë javës së filmit”, tha Foenkinos, në një intervistë për Radio Kosovën.
Ai thotë se subjekti i romanit të tij i shkon çdo qytetari të botës moderne, qoftë ai francez apo shqiptar.
“Delikatesa për mua është që ta dëgjojmë tjetrin. Praktikisht – është ta vësh tjetrin para teje. Shpeshherë ne jemi egoistë, edhe gjatë jetës së përditshme, edhe gjatë punës. Kthimi për të qenë i vëmendshëm dhe i butë ndaj tjetrit. Kjo është delikatesa”, tha Foenkinos.