15.9 C
Prizren
E mërkurë, 17 Shtator, 2025

Fshiheshin nëpër istikame duke mos e ditur që po i vëzhgon droni, momenti kur ukrainasit i godasin rusët me raketa

Operatorët e dronëve që i përdor ushtria ukrainase, janë bërë makth për ushtarët e Vladimir Putinit.

Ata nuk po u lënë askund vend trupave ruse, që filluan pushtimin e Ukrainës më 24 shkurt, transmeton Telegrafi.

Fillimisht vëzhgojnë terrenin dhe më pas artilerisë ua dorëzojnë koordinatat e pozicioneve të ushtrisë ruse.

Pas marrjes së këtyre koordinatave, këmbësoria dhe njësitë artilerike fillojnë me sulmet. Rol të madh në precizitetin e këtyre sulmeve, po luajnë armët moderne që u janë dhënë ukrainasve nga vendet e perëndimit.

Ata menjëherë fillojnë me granatimin, duke bërë që rusët të pësojnë humbje të mëdha si në njerëz ashtu dhe në makineri luftarake.

Një video e filmuar nga ajri me dron, shfaq ushtarët rusë që fshihen nëpër istikame, duke mos e ditur se mbi kokat e tyre po fluturonte droni ukrainas që vëzhgonte çdo lëvizje të tyre.

E kur duket se janë “çliruar” nga ai, ushtarët dalin mbi sipërfaqen e tokës me shpresën që do të vazhdojnë tutje, por ndodhë krejt e kundërta.

Ata bombardohen duke bërë që në ato istikame të hapen gropa të mëdha nga shpërthimi i bombave, që binin me precizitet të lartë. /Telegrafi/

Më Shumë

Prizreni përfiton internet publik falas përmes projektit evropian WiFi4WB

Kryetari i  Prizrenit, Shaqir Totaj, ka bërë të ditur se Komuna e Prizrenit është përzgjedhur për të përfituar nga iniciativa WiFi4WB, që do të...

20-shi i LDK-së, Dr. Fejzë Kabashi, prezanton planin për shëndetësi në rajonin e Hasit: Shërbime të përditshme për çdo lokalitet

Kandidati i Lidhjes Demokratike të Kosovës (LDK) për Kuvendin Komunal të Prizrenit, Dr. Fejzë Kabashi, ka publikuar një plan e tij të detajuar për...

Lajmet e Fundit