Se është duke punuar në një këngë të re në bashkëpunim me Ardian Bujupin e Dj Dalloll, kemi treguar ditë më parë. Mirëpo kjo nuk është risia e vetme që këngëtarja e njohur Genta Ismajli po përgatit për fansat e saj.
Ajo në faqen e saj zyrtare në rrjetin social ‘Facebook’, ka bërë një shpallje ku në këmbim të ilustrimit më të mirë për këngën ‘Feel’ të cilën do ta sjell së shpejti, fituesi do të marrë shpërblim.
“Ilustroni në një letër ose objekte ‪’FEEL’Genta‬ ‪, Ardian‬, Dalool‬ dhe fitoni një shpërblim nga BZZZ deri me 17.5.14. Kushti: Ilustrimi që merr më së shumti pëlqime është fitues. Shkruani emrin dhe mbiemrin poshtë ilustrimit. Loja përfundon me 17 maj në ora 00:00.
Ilustrimet duhet ti dërgoni në mesazh ose hashtag”, ishte mbishkrimi i këngëtares i cili padyshim ka marrë hovin e duhur. Kjo duke u bazuar në dhjetëra foto të cilat tashmë kanë filluar të arrijnë në adresën e saj.