Kryetari i Partisë Aleanca Arbnore Kombëtare është emëruar nga
kryeministri Edi Rama drejtor i Arkivit Qendror të Shtetit. Dje Ndoj është
prezantuar në institucionin e ri që do të drejtojë nga këshilltari juridik i
kryeministrit Rama, Artur Metani, para administratës së Arkivit Qendror. Ndoj,
me profesion historian, ishte kryetar i AAK, e cila hyri në koalicionin
parazgjedhor të drejtuar nga PS dhe LSI në zgjedhjet e 23 qershorit. Partia që
ai drejton mori 3575 vota në këto zgjedhje, ndërsa në muajin korrik drejtuesi i
koalicionit fitues, Edi Rama, e emëroi koordinator të koalicionit fitues për
zbatimin e marrëveshjes së PS-së me 35 partitë aleate.
Gjet Ndoj, me profesion historian, numëron
disa botime të karakterit historik. Në vitin 2005 ai boton “Udha e
shqiptarëve”, në 2006 Gjin Marku dhe lufta, në 2009 Ndoj boton “Antologji
historike”, ndërsa në 2012 ai është bashkautor me pesë studiues të tjerë në
librin “Mirdita në konferencë”.