Në Tiranë kanë përfunduar përgatitjet për Festivalin e Radio Televizionit Shqiptar, që zgjedh këngën që do ta përfaqësojë Shqipërinë në festivalin e këngës evropiane, Evrovizion 2016.
Gjysmëfinalja e parë do të mbahet sonte, më 25 dhjetor, për të vazhduar më 26 dhe me finalen më 27 dhjetor.
Në dy netët e para do të performojnë nga 15 këngëtarë, nga të cilët do të përzgjidhen 9 për çdo natë, për në natën finale.
Teuta Kurti, Flaka Krelani, Ardian Lulgjuraj, Eneda Tarifa, Kozma Dushi, Dilan Beka, Sigi Bastri, Jozefina Simoni, Luiz Ejlli, Klodjan Kaçani e Rrezarta Smaja janë disa prej atyre që do të prezantohen për t’u zgjedhur mes tyre fituesi që e përfaqëson Shqipërinë në Suedi sivjet, ku edhe mbahet sivjet ky festival.
Drejtori artistik i Festivalit të RTSH-së për këtë edicion është kantautori Elton Dedaj.
Vitin e kaluar Shqipërinë në Evrovizion e përfaqësoi Elhaida Dani me këngën “I’m alive”.
Prezantimin më të mirë ndonjëherë të Shqipërisë në këtë festival presitigjioz, vazhdon ta ketë Rrona Nishliu me vendin e pestë në Evrovizion 2012.