13.8 C
Prizren
E shtunë, 2 Mars, 2024

Gruaja e drejtorit të Arsimit në Dragash emërohet në komisionin për pranimin e punëtorëve komunal

Partia Demokratike e Kosovës- Dega në Dragash, po e akuzon drejtorin e Arsimit, Selim Kryeziu se ka ndikuar që gruaja e tij, Luljeta Kryeziu të zgjedhet në Komisionin Komunal për Pranimin (punësim) në Administratën Komunale.

Dega e PDK-së në Dragash ka publikuar në Facebook edhe vendimin e për caktimin e Kryeziut në cilësinë e ekspertit të jashtëm në komision, të nënshkruar nga kryetari i Komunës së Dragashit, Behxhet Xheladini.

Sipas PDK-Dragash, punësimi i Luljeta Kryeziut në këtë komision është konflikt interesi.

“Në këtë raportim, mund të shihni se si drejtori i Arsimit Selim Kryeziu ndikon drejtpërdrejtë në emërimin e gruas së tij Luljeta Kryeziu në Komisionin Komunal për Pranimin (punësim) në Administratën Komunale duke shkaktuar drejtpërdrejtë konflikt interesi”- thuhet ndër të tjerash në postimin e PDK-Dega në Dragash.

Por, drejtori i Arsimit në Komunën e Dragashit, Selim Kryeziu ka mohuar se ka ndikuar që gruaja e tij të caktohet si eksperte e jashtme në Komisionin Komunal për Pranimin (punësim) në Administratën Komunale (Dragash).

Kryeziu tha për KALLXO.com se gruaja e tij i ka plotësuar kriteret e caktuara për të qenë në këtë komision.

“Kanë qenë dy kandidatë, gruaja ime nga Dragashi dhe kandidati tjetër nga Prizreni. Komisioni për pranim ka vlerësuar (konstatuar) se kandidati tjetër (nga Prizreni) nuk e di gjuhën boshnjake, dhe kjo ka qenë të themi përparësia që gruaja ime është pranuar si eksperte e jashtme në  komision”- tha për KALLXO.com Selim Kryeziu, drejtor i Arsimit në Dragash.

 

Më Shumë

Kërkohet nga Bayerni, por Zidane e preferon Juventusin

Bayern Munchen e dëshiron Zinedine Zidane si pasues të Thomas Tuchel, por strategu francez preferon më shumë të punojë në Itali. “Një ditë në Itali?...

KFOR ka gjetur një person me lëndime në kokë në afërsi të Krushës së Vogël (Foto)

Gjatë aktiviteteve të rregullta në mbështetje të komuniteteve lokale, ekipet ndërlidhëse dhe monitoruese të misionit KFOR të udhëhequr nga NATO, ka gjetur një person...

Lajmet e Fundit