22.8 C
Prizren
E shtunë, 15 Qershor, 2024

Hapet ekspozitë për historinë e muzikës shqiptare

nexhmija-300x145Grupi i të rinjve të Prishtinës ka hapur një ekspozitë, ku kanë prezantuar fotografi të artistëve shqiptarë ndër vite, pjesëmarrës në festivalet “Akordet e Kosovës”, “Zambaku i Prizrenit” si dhe “Kosovarja Këndon”. Në ditën e parë të ekspozitës, kalimtarët në sheshin “Nënë Tereza” kanë pasur mundësi të dëgjojnë edhe një program të pasur muzikor të asaj periudhe.

Ndryshe nga herëvë të tjera, kur në sheshin “Nënë Tereza” në Prishtinë mund të dëgjosh muzikë moderne, kësaj radhe, kalimtarët kanë pasur mundësi të dëgjojnë muzikë të vjetër shqiptare. Në këtë formë, organizatorët e ekspozitës me 70 fotografi të ndryshme nga festivalet si: “Akordet e Kosovës”, “Zambaku i Prizrenit” e “Kosovarja këndon” kanë menduar ta promovojnë muzikën e mirëfillt shqiptare,transmeton rtv21.

Kjo ekspozitë e hapur në sheshin “Nënë Tereza” në Prishtinë, si duket disa qytetarëve u ka ngjallur nostalgji.

Njëri nga organizatorët e ekspozitës, Andi Belegu, thotë se qëllimi kryesor i organizimit ishte rikthimi në memorien tonë i këngëve të cilat janë kënduar në festivalet prestigjioze si “Akordet e Kosovës”, “Zambaku i Prizrenit” e “Kosovarja Këndon”.

Ky aktivitet është mbajtur për shënimin e ditës ndërkombëtare të ruajtjes së materialeve filmike arkivore dhe vizuale në përgjithësi. Në këtë ekspozitë përveç 70 fotografive të ndryshme nga festivalet e ndryshme shqiptare ndër vite, vizitorët do të mund të dëgjojnë edhe tinguj të muzikës së vjetër shqipe.

Më Shumë

Moti sot me temperatura deri në 33 gradë Celsius

Instituti Hidrometeorologjik i Kosovës ka bërë të ditur se sot parashihet  të mbajë mot me diell dhe vranësira të pjesëshme. Sipas njoftimin të këtij instituti,...

Luizi poston një foto më të bijën në krah, i bën dedikim të veçantë

Fituesi i Big Brother Vip Albani, Luiz Ejlli, ka postuar një foto të ëmbël më të bijën në krah. Ai përkrah fotos shkroi, “Nëse vetëm...

Lajmet e Fundit