Sot, në 23 vjetorin e rënies së dëshmorit të kombit, Remzi Ademaj – Komandant Petriti, kryetari i Prizrenit, Mytaher Haskuka ka bërë homazhe pranë varrit të tij në Landovicë, vendit ku ka rënë heroikisht në fshatin Nashec si dhe pranë monumentit të Lirisë në qendrën e qytetit të Prizrenit.
“Remzi Ademaj, ishte komandant i Zonës Operative të Pashtrikut gjatë luftës së lavdishme për çlirimin e vendit. Ai ishte aktivist i zgjuar politik, i cili la prapa një trashëgimi të madhe, duke krijuar shumë organizata, siç është organizata paralele për ofrimin e shërbimeve gjatë periudhës më të vështirë të okupimit serb. Inicoi krijimin e shoqatës për luftimin e analfabetizmit dhe shoqatës “Nënë Tereza” në Zhur dhe po ashtu ishte inicues i themelimit të Këshillit për mbrojtjen e të drejtave dhe lirive të njeriut”, tha Haskuka.
“Prandaj veprat, personaliteti i tij, aktivizimi politik dhe veprimtaria në shoqërinë civile do të përkujtohen përherë!”