-0.2 C
Prizren
E martë, 29 Nëntor, 2022

Haskuka: UÇK-ja ka bërë një luftë të drejtë dhe çlirimtare

Kryetari i Prizrenit, Mytaher Haskuka, në ditën e dytë të aktiviteteve kushtuar Epopesë së Vërrinit, ka bërë homazhe në varrezat dhe lapidarët e dëshmorëve dhe martirëve në Jeshkovë, e cila ka qenë njëra ndër selitë më të atakuara gjatë luftës dhe ka dhënë shumë dëshmorë dhe martirë.

“Po ashtu kemi bërë homazhe pranë lapidarëve të dëshmorëve dhe martirëve në Hoçë të Qytetit dhe në Lybeqevë, për të nderuar dhe përkujtuar veprën dhe sakrificën e tyre”, shkruan Haskuka në Facebook.

“Dje kemi bërë homazhe në Lez dhe Kushnin, si dhe kemi inauguruar shtatoren e komandantit Selajdin Berisha dhe “Sheshin e UÇK-së”, ndërkaq nesër do të bëhet ecja memoriale me Bjeshkatarët e Sharrit dhe Parlamentin Studentor të Universitetit të Prizrenit”, tregon ai.

“UÇK-ja ka bërë një luftë të drejtë dhe çlirimtare për ta mbrojtur vendin tonë, andaj do të bëjmë çmos për t’i mbajtur gjallë vlerat e saja”.

“Në këtë drejtim, jemi duke punuar për memorialin e Krushës së Vogël dhe duke rregulluar varrezat e këtij fshati”.

“Memoriali i dëshmorit Besim Ndrecaj ka përfunduar dhe do ta inaugurojmë së shpejti, ndërkaq shumë shpejt do ta përfundojmë edhe memorialin e viktimave të Korishës dhe do ta pasurojmë Muzeun e Dëshmorëve, që dokumenton gjenocidin e kryer nga forcat serbe”.

 

Më Shumë

Collina shpjegon pse po ka shumë lojë shtesë në ndeshjet e Kupës së Botës

Kur janë luajtur katër ndeshjet e para në Kupën e Botës, deri më tani kemi pasur 64 minuta lojë shtesë në këto takime. Në fitoren...

Ti nuk e di se ç’është dashuria

Poezi nga: Raymond Carver Përktheu: Fadil Bajraj (një mbrëmje me Charles Bukowskin) Ti nuk e di se ç’është dashuria tha Bukowski Jam 51 vjeç shikomë Jam i dashuruar në...

Lajmet e Fundit