Kaluan ditë të vështira në luftë. Humbën familjarët meshkuj. I humbën edhe fëmijët. Për fatin e shuimcës prej tyre nuk dihet gjë.
Grave të Krushës së Madhe të Rahovecit, u është dashur kohë e gjatë që të rimerrnin veten. Ato mposhtën dhimbjen dhe trishtimin i cili i kishte kapluar dhe vendosën të ecnin përpara, duke iu treguar të gjithëve që gruaja kosovare mund t’ia dalë.
Mungesa e të zotit të shtëpisë ka bërë që gratë e Krushës së Madhe të bëhen nënë dhe babë për fëmijët e tyre, grua dhe burrë për shtëpitë e tyre. Kjo ngase ato në moshë të re i kanë humbur bashkëshortët në luftë.
Ato i hodhën poshtë paragjykimet që nuk i lejonin gratë të merren me biznes e aq më pak që gratë e veja të mund të dalin pa burrat e tyre. Ajo çka ka ndodhur në Krushën e Madhe me rrethinë gjatë luftës, ishte një fatkeqësi e madhe, thotë Shemsie Rexhepi. Ajo tregon për rifillimin e jetës pas luftës dhe vështirësitë me të cilat kjo nënë është ballafaquar./tribuna/