2.8 C
Prizren
E martë, 29 Nëntor, 2022

I akuzuari mungon për shkaqe shëndetësore, shtyhet gjykimi për korrupsion ndaj ish-drejtorit të Inspektoratit në Prizren

Në mungesë të akuzuarit Bujar Nerjovaj, është shtyrë seanca e paraparë për të hënën në Gjykatën Themelore ne? Prizren.

Mbrojtësi i të akuzuari Nerjovaj, avokati Ardian Morina ka thënë se i mbrojturi i tij nuk mund të jetë prezent në këtë seancë pasi që ka probleme shëndetësore.

Mungesa e kushteve ligjore ka bërë që kjo seancë të shtyhet dhe e njëjta është caktuar të mbahet më 10 nëntor 2022.

Ndryshe, sipas aktakuzës së Prokurorisë Themelore në Prizren, e ngritur më 30 tetor 2018, i pandehuri Bujar Nerjovaj, si drejtor i Inspektoratit në Komunën e Prizrenit, akuzohet se si person zyrtar me mosveprim, duke shfrytëzuar detyrën apo autoritetin zyrtar, nuk e ka përmbushur detyrën zyrtare, me qëllim të përfitimit të dobisë për personin tjetër apo që t’i shkaktojë dëm personit tjetër.

Në aktakuzë thuhet se Nerjovaj, në cilësinë e ish-drejtorit të Drejtorisë Komunale të Inspektorateve në Prizren, gjatë periudhës 2011-2013, nuk i ka siguruar kushtet për t’i ekzekutuar konkluzionet e lëshuara nga inspektorët e ndërtimtarisë, për rrënimin e detyrueshëm të mbindërtimeve dhe ndërtimeve të katër objekteve hoteliere në afërsi të sheshit “Shatërvan” në Prizren.

Sipas aktakuzës, objektet janë ndërtuar pa leje apo në kundërshtim me lejet e dhëna, të gjitha këto të ndërtuara në Zonën e Parë të Qendrës Historike në Prizren, me ç‘rast është dëmtuar trashëgimia kulturore e arkitektonike e Qendrës Historike të Prizrenit si dhe për shkak të mos pagesës së detyrimeve, është dëmtuar buxheti i Komunës së Prizrenit për 36 mijë e 143 euro.

Me këtë, Nerjovaj po akuzohet se ka kryer veprën penale “Keqpërdorim i pozitës apo autoritetit zyrtar” nga neni 422, paragrafi 1 të Kodit Penal, ku kryesi dënohet me burgim prej gjashtë muaj deri në pesë vjet. /BetimipërDrejtësi

Më Shumë

Ismet Munishi: Granit Xhaka ka përgatitur një festim ndaj Serbisë

I ftuar në emisionin “Dueli Botëror” në RTV Dukagjini, trajneri i njohur Ismet Munishi ka treguar se mesfushori shqiptar, Granit Xhaka, ka përgatitur një...

Kievi ende pa rrymë pas sulmeve ajrore ruse

Pas sulmeve ajrore ruse që goditën Ukrainën, në shumicën e qyteteve të vendit është rikthyer energjia elektrike, përveç në kryeqytet. Kievi mbetet ende me furnizim...

Lajmet e Fundit