20.8 C
Prizren
E hënë, 15 Gusht, 2022

I biri i Ukshin Hotit, Andini: Më kontaktuan nga Serbia, më kërkuan 200 mijë euro për të ma gjetur të gjallë babanë

I biri i Ukshin Hotit, Andini në emisionin Pressing në T7 ka treguar se i i ishin kërkuar 200 mijë euro nga persona në Serbi në vitin 2020, kinse për t’i gjetur babanë të gjallë.

Ai thotë se ka grupe kriminale në Serbi që kërkojnë para, duke mashtruar për informacione për të pagjeturit.

“U ndodh shumë familjarëve të tjerë në Kosovë, sidomos moshave të shtyra, nanave e baballarëve që janë në moshë të shtyrë. Ende sot i thërrasin në telefon, tentojnë me forma të tjera…u kanë kërkuar shuma të mëdha parash”, tha Hoti.

“Mua më ka ndodhur vitin e kaluar, kam dëgjuar shumë raste të tjera në Kosovë”, theksoi ai.

“Mua më ka ndodhur më 2020, kur në RTK ishte një lajm kinse Ukshin Hoti, mund të jetë i varrosur në Lubeniq. Përmes Universitetit të Prizrenit më ka kontaktuar dikush prej Serbisë, e fillimisht 200 mijë euro e pastaj 400 mijë euro e kështu me radhë, për me na e dorëzuar të gjallë”, tha Hoti.

Hoti tha se aktualisht 1617 persona janë të zhdukur që nga lufta në Kosovë.

 

Më Shumë

Dokufest, filmi “Ka me kalu” fitoi çmimin më të mirë në grupin nacional

Mbrëmë u mbyll ceremonia e festivalit të filmit të metrazhit të shkurtër dhe atij të gjatë dokumentar - Dokufest në Prizren, i cili në...

Themelorja konfirmon aktakuzën ndaj Myhater Haskukës dhe tre ish-deputetëve për hedhjen e gazit lotsjellës në Kuvend

Gjykata Themelore në Prishtinë ka marr aktvendim me të cilin ka refuzuar si të pabazuara kërkesat për kundërshtim të provave dhe hudhje të aktakuzës...

Lajmet e Fundit