Ishin të ngushta ambientet e SHFMU “Mustafa Bakiu” për t’i zënë të gjitha simpatizantët e PDK-së të Nëndegëve “10 Qershori” , “Vëllezërit Stavileci” dhe “Lidhja e Prizrenit”, të cilën të mbrëmjen e së enjten ishin mbledhur për t’i dhënë mbështetje kandidatit të PDK-së Ramadan Muja dhe kandidatëve të këtyre nëndegëve. E veçanta e këtij takimi ishte se në këtë takim pati mbi 20 aderime të reja në PDK nga partitë tjera. “Jemi bindur se e vetmja alternativë për Prizrenin është PDK-ja dhe nuk duam që vota jonë të humbet, por të shkojë në atë parti që ka bërë e do të bëjë për Prizrenin Europian”.
Kandidati për kryetar të Komunës së Prizrenit, Ramadan Muja, ka theksuar se banorët e këtyre tri lagjeve në të ardhëm do ta kenë mbështetjen e Komunës edhe më shumë, se sa sot.”Brenda pak viteve do të jenë pjesa nga do të kalojë rruga që të shpie në Zonën Turistike të Kalasë së Prizrenit, projekt ky që do të jetë një risi për turizmin e qytetit tonë historik”
Ndërsa Enver Hoxhaj, ministër i Punëve të Jashtme duke folur për ndryshimet që i ka përjetuar Prizreni me udhëheqjen e Ramadan Muja, i cili me votën e qytetarëve të Prizrenit do ta meritojë edhe në të ardhmen përkrahjen e Qeverisë së Kosovës.
Në këtë tubim pos bartësit të listës së PDK-së kanë folur edhe kandidatët për Kuvendin e Prizrenit Skender Kapra, Ali Thaqi , Nue Çollaku dhe Elhame Berisha, të cilët kanë kërkuar që kështu siç kanë ardhur sot në tubim, të dalin masovikisht në votime edhe në ditën e zgjedhjeve më 3 nëntor dhe të votojnë për numrin 99 për ardhmërinë e Prizrenit./PrizrenPress.com/