Në Fakultetin Filologjik të universitetit të Prishtinës u inaugurua sot Instituti për Gjuhën dhe Kulturën Italiane. Ky institut është hapur nga Universiteti i Prishtinës në bashkëpunim me Ambasadën italiane në Prishtinë, Universitetin “La Sapienza” të Romës dhe AIDP-Albanian National Group and Collective Member of Kosovo.
Me këtë rast, ambasadori italian, Michael Giffoni, tha se kjo është një ditë e veçantë në përfundim të mandatit të tij në Kosovë, raporton RTK. Ai tha se është i nderuar që instituti i gjuhës italiane është hapur brenda Universiteti.
”Do të jenë studentët e Universitetit të Prishtinës jo vetëm ata të filologjisë që do të kenë mundësi të ndjekin kurset e gjuhës dhe kulturës italiane që do të fillojnë së shpejti. Do të kenë mundësi të marrin njohuri nga librat që do të vijnë nga universiteti la sapienca. Është një hap i vogël por shumë i rëndësishëm në bashkëpunimin kulturor mes dy vendeve”.