Kryetari i Prizrenit, Mytaher Haskuka, ka pritur në një takim Denur Paçakun, djalin e ish-deputetit të Parlamentit të Kosovës, Kujtim Paçaku.
“I privilegjuar, ndjeva kënaqësi të takohem e të bisedojmë gjatë e gjërë me kryetarin e Komunës së Prizrenit z. prof. Mytaher Haskuka. Çmoj lartë qëndrimin e respektin e tij karshi familjes sonë, aq më shumë, kooperimin e raportet shumë të mira të cilat i kishin me të ndjerin, babin, Kujtim Paçakun (dritë i pastë shpirti)”, shkruan Denuri në “Facebook”
“Për babin biseduam shumë. Më tregoi për kohën e gjatë që kishin kaluar, si në Parlamentin e Kosovës, si në qytetin tonë. Përjetime të cilat profesori i kishte ende të freskëta. Ndërsa sot, largimin e tij edhe ai e quajti një humbje të madhe për vendin”.
“Ashtu siç i ndjeri dhuronte libra, një të tillë i dhurova edhe kryetarit. Librin e fundit të babit “Rruga Jonë”, dhe një kollare që mbante i ndjeri, kështu duke e kujtuar gjithmonë e duke simbolizuar dhënien e vlerave përkushtimore të të ndjerit si admirim e vullnet për të tjerët”
Kujtim Paçaku, ish-deputet i Kuvendit të Kosovës, ka vdekur në maji të këtij viti, në moshën 59-vjeçare./PrizrenPress.com/