Autoritetet e Arabisë Saudite njoftuan sot se sulmi që ndodhi të hënën në mbrëmje në qytetin e shenjtë të Medinës është ndërmarrë nga një pakistanez, i cili ishte vendosur para 12 viteve në Arabinë Saudite, ku ka punuar si vozitës
Në kumtesën e ministrisë së Brendshme u qartësua se sulmuesi është identifikuar si Abdullah Kan 34 vjeçar, i cili ka jetuar në qytetin e Xhedas së bashku me bashkëshorten dhe prindërit e tij.Si pasojë e sulmit në Medinë u vranë katër pjesëtarë të forcave saudite të sigurisë, ndërsa pesë të tjerë u plagosën. Sulmi u ndërmor para xhamisë, në të cilën është i varrosur Profeti Muhamed
Deri me tani, askush nuk ka marrë përsipër përgjegjësinë për sulmin në Medinë, e as për sulmin që u ndërmorën në afërsi të konsullatës amerikane në Xheda.
Për çdo vit, me miliona pelegrinë myslimanë vizitojnë Medinën dhe xhaminë e hapur nga Muhamedi në shekullin e shtatë dhe në të cilën krahas tij janë të varrosur edhe dy kalifët e parë, Abu Bakri dhe Omari. Xhamia në Mekë është xhamia e dytë më e rëndësishme në botën islame, pas Xhamisë së Madhe në Mekë.