Anëtarët e Kuvendit të Komunës së Prizrenit në periudhën e dytë të vitit të kaluar kanë bërë hiq më pak se 163 pyetje për Ekzekutivin e Prizrenit.
Përfaqësuesi i KDI-së n Prizren, Naim Cahanaj thotë se 67 për qind kanë qenë të lidhura me interesin e qytetarëve të Komunës së Prizrenit, ndërsa 33 për qind e pyetjeve kanë qenë të lidhura me aspekte procedurale të punës së organeve të Komunës së Prizrenit.
“Anëtarët e LVV-së në Kuvendin e Komunës së Prizrenit prijnë me numrin e pyetjeve të bëra gjatë kësaj periudhe me gjithsej 45.4 për qind të pyetjeve, të pasuar nga anëtarët e LDK-së me 19 për qind të pyetjeve të përgjithshme”, tregon Cahanaj.
Ndërkaq, kuvendarët e Prizrenit gjatë këtyre seancave janë ankuar se drejtorët e Ekzekutivit të Ramadan Mujës nuk kanë dhënë përgjigje në shumicën e pyetjeve të parashtruar.
Kuvendarja e LDK-së, Kimete Hoxha, disa herë është ankuar për mungesën e përgjigjeve nga drejtorët e Ekzekutivit të Prizrenit./PrizrenPress.com/