Përfaqësuesi i shoqërisë civile “Për Prizrenin, Kastriot Jahaj kërkon nga organet e drejtësisë që të marrin masa ligjore kundër kryetarit të Prizrenit, Ramadan Mujës, për shkeljet e vazhdushme ligjore.
Muja ditë me parë ka pezulluar detyrën e postit të kryetarit të Prizrenit, i cili nga MAPL-ja është vlerësuar i jashtëligjshëm.
“Qytetarët aktivë “Për Prizrenin” i bëjnë thirrje organeve të drejtësisë, përkatësisht Prokurorisë Themelore në Prizren që sa më parë të veprojë për shkeljet e vazhdueshme ligjore që po i bënë kryetari i dënuar i Prizrenit Ramadan Muja”.
“Vendimi që sot nxorri Ministria e Administrimit të Pushtetit Lokal tregon edhe një herë se Ramadan Muja është mbi ligjin. Edhe pasi u dënua me 2 vite burgim, me kusht që të mos bëjë shkelje të tjera ligjore, vetëm 5 ditë pas vendimit pas atij dënimi, ai sërish morri ligjin në dorë dhe veproi jo ligjërisht. Qytetarët aktivë “Për Prizrenin”, kërkojnë nga organet e drejtësisë që sa më parë të reagojnë”./PrizrenPress.com/