Aktori fitues i Oscarit, Jeff Bridges, ka publikuar albumin “Sleeping Tapes” me të cilin mëton t’u ndihmojë personave që vuajnë nga pagjumësia.
Albumi ka 11 këngë që janë krijuar që t’ju relaksojnë, ndërsa të gjitha të hyrat nga shitja e këtij albumi do të shkojnë për qëllime humanitare, transmeton Koha.net.
“Bota është përplot me persona që nuk janë të qetë dhe të cilëve u nevojitet pushimi – prandaj në këtë album kam vendosur tinguj intrigues dhe të tjerë që t’ju ndihmojë që të flini në mënyrë sa më kualitative”, thotë Jeff kurse albumin e tij mund ta dëgjoni në adresën dreamingwithjeff.com.