Sapo ishte menduar se ajo kishte arritur të përballojë ndarjen nga Brad Pitt-i dhe e ka gjetur njeriun me të cilin do të martohet, Jennifer Aniston sërish ka mbetur duarthatë. Në të vërtetë, mediet botërore raportojnë se i fejuari i saj, Justin Theroux, ka vendosur ta braktisë dhe atë në prag të martesës, e cila pritej të zhvillohej në Meksikë.
Raportohet se çdo gjë ishte gati për ceremoni, nga fustani i nusërisë e deri te veshja e dhëndrit, por pastaj ishte zbuluar një sekret i Justin-it nga e kaluara, për çka bukuroshja ishte zemëruar. Kishte shpërthyer një grindje e ashpër, ku më pas ai kishte vendosur të anulojë dasmën. Nuk dihet se për çfarë fshehtësie të Justin-it bëhet fjalë, por supozohet se është zbuluar se ai ka qenë i martuar më parë dhe se ka fëmijë, edhe pse kjo nuk është konfirmuar.
Si Jennifer, ashtu edhe Justin, tani për tani nuk janë deklaruar në lidhje me këtë. Një burim ka deklaruar se ata tashmë janë kthyer në Los Anxhelos dhe nuk janë duke jetuar së bashku, siç e kanë bërë deri më tani dhe se ndarja e tyre është përfundimtare, pasi Justin tani nuk dëshiron të lidhet me një femër, e cila e ka turpëruar publikisht para miqve të saj.