Leandro Paredes pritet të jetë zëvendësuesi i Arthur Melo-s në “Allianz Stadium”, sipas torinezes “Tuttosport”.
Argjentinasi do të largohet nga PSG këtë verë dhe Juventus-i është skuadra më e interesuar. Ish-lojtari i Empoli-t dhe Roma-s në Serie A ka qenë prej vitesh në fokusin e “Zonjës së Vjetër”.
Përsa i përketë, Arthur, ai pritet të përfshihet në negociata me Roma-n për Nicolo Zaniolo-n. Me largimin e tij, Juventus do hidhej në sulmin përfundimtar për Paredes.
Nga bardhezinjtë pritet të largohet edhe mesfushori francez, Adrien Rabiot. Ai ka kërkesa nga Premier League.
Paul Pogba do të jetë përforcimi i madh në merkato për Juventus-in. Ish-lojtari i Manchester United pritet që se shpejti të kryejë vizitat mjeksore. /Albanianpost.com