(E plotësuar) Para pak minutash ka filluar takimi ndërmjet koalicionit LDK- AAK- Nisma me Lëvizjen Vetëvendosje. Mësohet se takimi është duke u mbajtur në një nga sallat e Kuvendit, raporton Blic.
Ky takim i Koalicionit me Vetëvendosjen vjen pas verdiktit të Gjykatës Kushtetuese, e cila vetëm PDK-së ia ka njohur të drejtën për zgjedhjen e kryeparlamentarit.
Pak para se të takoheshim me Vetëvendosjen, liderët e Koalicionit LDK- AAK- Nisma kishin pasur një takim ndërmjet.
Sot takimi i bllokut me VV-në
Sot në orën 15:00 në zyrat e LDK-së në ndërtesën e Kuvendit të Kosovës, do të takohen përfaqësuesit e koalicionit LDK-AAK-Nisma me ata të Vetëvendosje!-s.
“Epoka e re” ka marrë vesh se Lëvizjen Vetëvendosje! në këtë takim do ta përfaqësojnë, Dardan Molliqaj dhe Visar Ymeri.
Nga 17 korriku deri më sot koalicioni LDK-AAK-Nisma nuk ka pasur asnjë takim me përfaqësuesit e Lëvizjes Vetëvendosje!.