Kandidati i koalicionit AAK-LDD Lulëzim Kabashi, në kuadër të fushatës zgjedhore është takuar me banorët e fshatit Landovicë “ Gani Çavdërbasha “ në Prizren. Në të dy tubimet, Kabashi ka shpalosur programin e tij qeverisës për zgjedhjet e 3 nëntorit.
“Programi ynë ka për qëllim zhvillimin ekonomik të vendit, përmes të cilit do të krijojmë vende të reja të punës”, tha Kabashi . Ai ka përsëritur se në programin e tij parashihet që brenda katër vitesh secila familje të ketë nga një anëtar të punësuar. “Në platformën e time qeverisëse parashihen edhe investimet dhe subvencionimet në sektorin e bujqësisë”.
Edhe në lagjen “Gani Çavdërbasha “, Kabashi premtoi se nëse do të fitojë, Prizrenin e pret një ndryshim i madh.
Ai tha se qeverisja e koalicionit AAK-LDD, nuk do të jetë qeverisje e korruptuar.
Ndërkaq, Fatmir Kastrati, para anëtarëve dhe simpatizantëve të AAK-së dhe LDD-së të lagjes “ Gani Çavdërbasha “ tha se Prizreni kërkon ndryshime dhe mirëqeverisje.
“Këto ndryshime dhe qeverisja e mirë do të ndodhë vetëm me menaxhimin e Komunës nga kryetari i ardhshëm i Prizrenit Lulzim Kabashi”/PrizrenPress.com/