Modelja britanike, Kate Moss, është zgjedhur imazhi për fushatën dimër 2014 i stilistes, Stella McCartney. Supermodelja do të shfaqet me një fustan të mrekullueshmëm nga stilistja Stella McCartney por edhe shumë veshje të tjera .
Moss ka folur pak për fushatën gjatë intervistave duke preferuar që të mbajë një situatë misterioze. Seti i ri i imazheve është dizajnuar nga vetë stilistja duke iu bazuar edhe konceptit të Kate për të paraqitur ëndrrën, hapësira të pafundme përshtatur me një sfond me yje, hëna, akullnaja edhe pyje.
Përveç koleksionit Dimër 2014, ajo ka prezantuar edhe syzet e markës McCartney. Kjo është hera e parë në 5 vjet që modelja po punon me Stellan pas fushatës së fundit në verën e vitit 2009. “Kate mishëron gruan sipas Stella McCartney dhe dëshiroja të kapja ëndrrat e saj dhe momentet që ne kemi ndarë gjatë këtyre viteve. Unë dëshiroja të arratisesha në diçka surreale këtë sezon dhe fashioni mund të na i bëjë ëndrrat realitet shpeshherë”, thotë stilistja McCartney. Fushata e fundit Dimër 2014 është një film i shkurtër i quajtur “Ëndrrat e Kate” me një muzikë të kompozuar nga Fred Gibson.