20.8 C
Prizren
E enjte, 11 Gusht, 2022

KDI publikoi fletnotimin e këshilltarëve të Asamblesë në Prizren

KDI-NaimCahanaj-ArbenHoxhaInstituti Demokratik i Kosovës (KDI) ka publikuar Fletënotimin i cili përmban analizë dhe notim për punën individuale të 41 anëtarëve të Kuvendit të Komunës së Prizrenit dhe subjekteve politike të përfaqësuara në këtë kuvend për periudhën Janar-Qershor 2013.

Naim Cahanaj përfaqësues i KDI-së ka potencuar se “qëllimi i publikimit të këtij Fletënotimi është informimi i paanshëm dhe objektiv i qytetarëve për punën e të zgjedhurve të tyre gjatë mbajtjes së seancave të Kuvendit të Komunës së Prizrenit në periudhën Janar-Qershor 2013, notim ky i bazuar në nëntë shtylla të vlerësimit”.

Sipas tij, anëtarët që kanë treguar rezultate më të mira në të gjitha kategoritë në Kuvendin e Komunës së Prizrenit janë: Fatmir Memaj (LDK) me 9.5 %, Lulzim Kabashi (LDD) me 9.3 %, Haziz Hodaj (LDK) me 8.7 % dhe Masar Shala (PDK) me 7.3 % të vlerësimit të përgjithshëm derisa Nora Murataj (PK) gjatë kësaj periudhe nuk ka treguar asnjë rezultat dhe ka munguar në njërën nga seancat e mbajtura në këtë periudhe duke treguar rezultat tejet të dobët me – 0.1 % të notimit të përgjithshëm.

Gjatë kësaj periudhe nga ana e anëtarëve janë ngritur gjithsej 276 çështje, prej të cilave 58 % nga fusha me interes për qytetarët e Prizrenit ndërkaq 42 % e çështjeve të iniciuara kanë qenë të lidhura me aspekte procedurale të punës së organeve të Komunës së Prizrenit ku anëtarët e LDK-së prijnë për nga inicimi i çështjeve me gjithsej 44.9 % të çështjeve të ngritura, të përcjellë nga anëtarët e PDK-së dhe LDD-së me 21.7 % përkatësisht 10.9 % të çështjeve të ngritura. Fatmir Memaj (LDK) ka shënuar numrin më të lartë të çështjeve të ngritura me gjithsej 11.6 % i përcjellë nga Haziz Hodaj (LDK) dhe Lulzim Kabashi (LDD) me nga 8.3 % përkatësisht 7.6 % të çështjeve të ngritura.- tha Cahanaj përfaqësues i KDI-së.

Arben Hoxha përfaqësues i KDI-së ka vë në pah miratimin e rregulloreve komunale gjatë kësaj periudhe ku sipas tij janë miratuar Rregullorja për fuqizimin dhe promovimin e vullnetarizmit, Rregullorja për ndarjen e subvencioneve si dhe Rregullorja për Këshillin e Veprimit Rinor Lokal (KVRL) derisa vetëm dy nga anëtarët kanë propozuar rregullore komunale për miratim në Kuvendin e Komunës. Afrim Avdaj (PDK) ka propozuar Rregulloren për ndarjen e dekoratave dhe çmimeve si dhe Masar Shala (PDK) ka propozuar tri rregullore, Rregulloren për pikën e rendit të ditës pyetje dhe përgjigje, Rregulloren për statusin e anëtarëve të Kuvendit të Komunës së Prizrenit (kuvendarëve) si dhe Rregulloren për përcaktimin e masave për hyrjen në koncesion nga ana e komunës.

Duke veçuar më tej se anëtarët e Kuvendit të Komunës së Prizrenit kanë bërë gjithsej 51 pyetje nga të cilat 57 % kanë qenë të lidhura me interesin e qytetarëve të Komunës së Prizrenit ndërsa 43 % e pyetjeve kanë qenë të lidhura me aspekte procedurale të punës së organeve të Komunës së Prizrenit. Anëtarët e LDK-së prijnë me numrin e pyetjeve të bëra gjatë kësaj periudhe me gjithsej 39.2 % të pyetjeve, të pasuar nga anëtarët e LDD-së me 21.6 % të pyetjeve të përgjithshme derisa anëtarët më aktiv në parashtrimin e pyetjeve janë Lulzim Kabashi (LDD) dhe Fatmir Memaj (LDK) me nga 17.6 % përkatësisht 11.8 % të pyetjeve të përgjithshme.

Duke shtuar se “gjatë kësaj periudhe është vërejtur një mos pjesëmarrje e anëtarëve në seanca me gjithsej 16 raste të mungesës së anëtarëve ku numrin më të madh të mungesave (3 herë) në seanca ka shënuar anëtarja Nora Murataj e cila vjen nga radhët e Partisë Konservatore. Dobësi e punës së Kuvendit ka qenë edhe përdormi i gjuhës jo-parlamentare gjatë kësaj periudhe ku Masar Shala (PDK) dhe Haziz Hodaj (LDK) në seancën e datës 23.05.2013 kanë përdorur gjuhë jo-parlamentare e cila ka qenë denigruese për anëtarët dhe vetë institucionin e Kuvendit si organ më i lartë i vetëqeverisjes lokale”- tha Arben Hoxha përfaqësues i KDI-së.

Fletënotimi për periudhën Janar-Qershor 2013 është përgatitur në kuadër të projektit “Pjesëmarrja qytetare dhe principet për një qeverisje të mirë” projekt i mbështetur nga The Olof Palme Centre (OPIC). /PrizrenPress.com/

Më Shumë

Prizren: Gjykim për vrasjen shkaku i borxhit prej 20 euro, prokuroria kërkon dënimin e të akuzuarit

Në Gjykatën Themelore në Prizren, të enjten ka përfunduar gjykimi ndaj të akuzuarit Sylejman Ahmeti, i cili po akuzohet se privoi nga jeta të...

Politikani panamez poston një video ku kërkon ndihmë, pasi helikopteri në të cilin gjendej edhe ai rrëzohet në xhungël

Një kandidat presidencial në Panama ka postuar një lutje dramatike për ndihmë në mediat sociale pasi helikopteri i tij u rrëzua në xhunglën e...

Lajmet e Fundit