Drejtuesit e Degës së KDTP-së dhe ata të CDU-së kanë arrtur pajtimin që brenda Kuvendit të Prizrenit të formojnë grupin e përbashkët të këshilltarëve, që do të përbëhet nga dy këshilltarë turq dhe një boshnjak.
Dy partitë që janë në koalicion me PDK-në kanë theksuar se ujdia e tyre është parimore dhe se mirëpresin që këtij grupi t’i bashkëngjitet edhe përfaqësuesit e partive minoritare. Por, lëvizja e CDU-së ka demantuar përpjekjet për unifikimin e partive boshnjake brenda KK-së në Prizren.
“Thjeshtë ne nuk kemi parë vetën brenda grupit me “Vakat”-in dhe NDS-në. Kemi dashur që të kemi një grup të qëndrueshëm dhe këtë e kemi arritur me KDTP-në…”, ka thënë kryetari i CDU-së Hamza Balaj për Koha Ditore.
“Besoj se e kemi ndërlidhur interesin e dyanshëm të komuniteteve tona. Interesi ynë është që grupi ynë të marrë postin e nënkryetarit për komunitete”.
Kryetari i Degës së KDTP-së, Levent Bush ka konfirmuar arritjen e marrëveshjes me CDU-në./PrizrenPress.com/