13.8 C
Prizren
E shtunë, 2 Mars, 2024

Kërcënimi bërthamor i Putinit, ShBA shpenzon 290 milionë dollarë për barna kundër rrezatimit

Shtetet e Bashkuara kanë shpenzuar 290 milionë dollarë për ilaçet kundër rrezatimit, pasi presidenti rus Vladimir Putin ka paralajmëruar Perëndimin se ishte gati të përdorë armë bërthamore për të mbrojtur Rusinë.

Sipas Shërbimeve Shëndetësore dhe Njerëzore të ShBA-së, qeveria ka blerë një sasi të konsiderueshme të ilaçit Nplate, i cili stimulon prodhimin e trombociteve nga trupi dhe redukton gjakderdhjen e shkaktuar nga rrezatimi.

Megjithatë, sipas Sky News, Shërbimet Shëndetësore, kanë mohuar se masa është marrë në përgjigje të pushtimit rus në Ukrainë, duke thënë se kjo blerje ishte vetëm një përpjekje për të qenë më të përgatitur për të shpëtuar jetë pas emergjencave radiologjike dhe bërthamore.

Ilaçi i blerë nga qeveria, është prodhuar nga kompania farmaceutike Kaliforniane Amgen dhe mund të përdoret për të trajtuar të rriturit dhe fëmijët.

Kujtojmë se, në fillim të këtij muaji, Putin u zotua të mbronte rajonet e reja të aneksuara në Ukrainë me “të gjitha mjetet e disponueshme”, në një ceremoni nënshkrimi të Kremlinit, ku ai gjithashtu kritikoi Perëndimin.

Duke e pretenduar 18% të Ukrainës si pjesë e Rusisë, hapësira për kërcënime bërthamore rritet pasi Putin mund të konsiderojë çdo sulm në këto territore si një sulm ndaj vetë qeverisë.

Më Shumë

Specialja refuzon edhe apelimin e dytë të Isni Kilajt për ndërprerje të paraburgimit

Në Dhomat e Specializuara të Kosovës (DhSK) në Hagë, është hedhur për të dytën herë apelimi i Isni Kilajt kundër mbajtjes së tij në...

Paul Pogba dënohet me katër vjet moslojë

Futbollisti francez, Paul Pogba, është dënuar me katër vjet moslojë pasi është gjetur fajtor për përdorimin e dopingut. 30-vjeçari është suspenduar në shtator të vitit...

Lajmet e Fundit