20.8 C
Prizren
E hënë, 8 Shtator, 2025

Koalicioni AAK-LDD, përbylli fushatën zgjedhore në Prizren

fushata permbyllse e AAKKoalicioni AAK-LDD, ka përmbyllur fushatën zgjedhore në Prizren. Në këtë tubim ka marrë pjesë lideri i i AAK-së, Ramush Haradinaj dhe ai i LDD-së, Nexhat Daci.

Lideri i Aleancës për Ardhmërinë e Kosovës, Ramush Haradinaj, para të pranishmëve të shumtë në Prizren tha se ka ardhur koha që ky qytet të ndërrojë qeverisjen. “Prizreni ka përpara vetës mundësinë me e vazhdu’ qeverisjen që e ka, ose me e ndërru’. Besoj se janë pjekë mjaftë argumente që nuk duhet me vazhdu me këtë qeverisje edhe në planin lokal, por edhe në atë nacional. Me e ndërru qeverisjen mundet vetëm një njeri dhe vetëm një subjekt politik, e ai është Lulëzim Kabashi”, tha Haradinaj.

Edhe Nexhat Daci kërkoi nga qytetarët e Prizrenit, që me 3 nëntor të votojnë Lulëzim Kabashin për kryetar të Prizrenit dhe koalicionin AAK-LDD. “ Duke votuar këtë koalicion do të votohet e ardhmja për një jetë më të mirë dhe zhvillim më të mirë ekonomik e që përfitues të mirëqeverisjes do të jenë vet qytetarët”, tha Daci.

Kandidati Lulëzim Kabashi, kërkoi që me 3 nëntor të votohet koalicioni AAK-LDD në Prizren. “Jemi mbledhur sot këtu për të hedhur bashkërisht një hap të madh drejt fitores së madhe të 3 nëntorit, për të luftuar të keqen, e cila çdo ditë po e ngulfat qytetin dhe qytetarët tanë nga ata të cilët paturpësisht e zhveshën këtë qytet nga pothuajse çdo vlerë e mirë qytetëruese për të cilët edhe shquhej më parë Prizreni”, tha Kabashi./PrizrenPress.com/

 

 

Më Shumë

Ndërtimi i ujësjellësit kryesor për 15 fshatra dhe Dragashin drejt përfundimit

Komuna e Dragashit ka bërë të ditur se punimet për ndërtimin e ujësjellësit kryesor, që do të furnizojë me ujë të pijshëm 15 fshatra...

Arrestohet në Prizren 36 vjeçari në kërkim, ishte i dënuar me mbi 4 vjet burgim

Policia e Kosovës ka arrestuar sot në Prizren një 36-vjeçar me inicialet B.S., nga fshati Malësi e Re, i cili ishte në kërkim aktiv. Sipas...

Lajmet e Fundit