Komuna e Prizrenit përmes një shkrese drejtuar Gjykatës Themelore në Prizren, ka kërkuar që të shtyhen të gjitha seancat e parapara, ku palë është Komuna e Prizrenit, për shkak se për momentin nuk ka përfaqësues ligjor.
Kjo kërkesë është dërguar tek Gjykata Themelore në Prizren, nga zëvendësi i kryetarit, më 15 tetor 2021.
Në kërkesën e siguruar nga “Betimi për Drejtësi” thuhet se Komuna e Prizrenit ka qenë e përfaqësuar nga Zyra e Avokatisë “Blerim Mazreku” SHPK, e cila zyrë ka pasur autorizim dhe ka qenë e obliguar që të japë shërbime për Komunën e Prizrenit deri më 14 tetor 2021.
Tutje aty thuhet se Komuna e Prizrenit ka filluar procedurën për zgjedhjen e përfaqësuesit ligjor, por për shkak të procedurave akoma nuk është përfunduar dhe për momentin Komuna e Prizrenit nuk ka përfaqësues.
Për këtë arsye, kanë lutur Gjykatën Themelore në Prizren se duke pasur parasysh këtë fakt dhe interesin e përgjithshëm t’i shtyjë të gjitha seancat e parapara për këtë javë dhe javën e ardhshme dhe të njëjtat të shtyhen për së paku 15 ditë, derisa të zgjidhet përfaqësuesi ligjor dhe që me këtë të mos dëmtohen interesat e Komunës. /BetimipërDrejtësi
“Loyola–Gymnasium” në Prizren shpall konkurs për dy mësimdhënës/ mësimdhënëse