18.8 C
Prizren
E diel, 14 Korrik, 2024

Konfirmohet: Këta do të jenë ministrat e ardhshëm nga AAK-ja

Besnik Tahiri, Meliza Haradinaj dhe Selim Selimi janë kandidatët për ministra nga radhët e AAK, në qeverinë që pritet të drejtohet nga Lidhja Demokratike e Kosovës.

Lajmin për Insajderin e ka konfirmuar Pal Lekaj, nënkryetar i Aleancës për Ardhmërinë e Kosovës.

Lekaj ka bërë me dije se brenda partisë ka pasur pajtim unanim për këta emra.

“Sot është mbajtur një takim i ngushtë, ku përfshihen sekretarët dhe kryetarët është diskutuar edhe për koalicionin dhe kemi marrë një po nga Këshilli Drejtues, në mënyrë elektronike për koalicion dhe kemi biseduar për emrat e mundshëm. Besnik Tahiri, Meliza Haradinaj dhe Selimi Selimi janë tre kandidatët që duhet ti nënshtrohen Këshillit Drejtues, por që ka pasur pajtim unanim për këta emra”, ka deklaruar Lekaj për Insajderin.

I pyetur se sa do të jetë numri i ministrive që do t’i takojë AAK-së, Lekaj ka thënë se ende nuk dihet saktë.

“Numri i ministrive nuk dihet saktësisht, nuk kemi biseduar por vetëm për këta tre emra”, është shprehur ai.

Partia e Ramush Haradinajt, gjatë ditës së sotme i ka dhënë dritën jeshile koalicionit me LDK-në

Kryetari i AAK-së sot është takuar edhe me të mandatuarin e LDK-së për kryeministër, Avdullah Hotin, pas këtij takimi ai ka thënë se nënshkrimi për koalicion qeverisës mund të ndodhë brenda pak ditëve.

“Mendoj se mund të ndodhë brenda disa ditësh nuk mund të marrë më shumë se një javë”, ka thënë ai, teksa ka shtuar se nuk do të marrë ndonjë post brenda qeverisë.

Më Shumë

Kurti viziton korrje-shirjet në Malishevë: Djerrina me gurë është bërë arë me grurë – buka jonë, në sofrën tonë

Kryeministri i vendit, Albin Kurti, bashkë me ministrin e Bujqësisë, Faton Pecin, panë nga afër korrje-shirjen e grurit te fermeri Asman Kryeziu në Malishevë. Kurti...

Fluks i lartë qytetarësh dhe automjetesh në Vërmicë

Mëngjesi i së shtunës ka nisur me fluks të lartë qytetarësh e mjetesh në pikën kufitare të Vërmicës. Qytetarët e Kosovës kanë zgjedhur të...

Lajmet e Fundit