Korisha që është njëri ndër fshatrat ndoshta të vetme në Republikën e Kosovës që funksionin si të ishte një komunë në vete, ka përgjegjës të drejtimeve të caktuara. Përgjegjësi për infrastrukturë, Rexhë Ukaj, potencon se të vetmen pengesë e kanë derisa të kthehen listat poseduese të pasurive, sepse janë uzurpuar rrugët fushore. Ai druan se këto probleme mund të sjellin bela të panevojshme.
“Korisha nga 900 shtëpi kurse banorët e 500 shtëpive janë në kurbet”, thotë Ukaj për “Kosova Sot”. Lulzim Kabashi, nënkryetar i Komuës së Prizrenit nga ky fshat pret të shtojë furnizimin me ujë të pijes ngase atje kërkohet të bëhet një bazen uji për të pasur mundësi të furnizimit me ujë për të gjithë banorët. Për këto punë, fshati paguan rregullisht katër punëtorë.
“Pastrimi i rrugëve, reduktimi i ujit, rregullimi i lapidarit, mirëmbajtja e varrezave, hapja e varreve të reja, mirëmbajtja e xhamisë, rregullimi i shkollës, shtrimi i ndonjë rruge dhe nevoja të tjera që paraqiten në fshat, realizohen përmes organizimit shumëvjeçar të kryesisë së fshatarëve. Shumica e shtëpive të fshatit janë të lyera nga jashtë duke dhënë përshtypjen për gjendjen kryesisht të mirë materiale të të zotërve të tyre” tregon Kabashi.
Fshati ka rreth 2 mijë të shkolluar
Ndërsa Ukaj thotë se fshati që ka dhënë më së shumti të shkolluar në nivel vendi. Ai thotë se janë rreth 2 mijë të shkolluar që kanë kualifikime të ndryshme. Korisha dallohet edhe si lokalitet i periudhës së bronzit. Një vendbanim është gjetur atje dhe që i takon kohës së vjetër. /Kosova Sot/