15.8 C
Prizren
E martë, 16 Prill, 2024

Krasniqi: Sistemi aktual zgjedhor, i komplikuar

JakupKrasniqi-Zlatko VujovicKryetari i Kuvendit të Republikës së Kosovës, Jakup Krasniqi, ka pritur sot shefin e Misionit të ENEMO-së (Rrjeti i Organizatave Evropiane Monitoruese të zgjedhjeve), Zlatko Vujovic, me të cilin ka biseduar për procesin e zgjedhjeve lokale në Kosovë dhe për nevojën e përfundimit, në afat sa më të shkurtër, të reformës zgjedhore.

Shefi i Misionit të ENEMO-së, Zlatko Vujovic, ka theksuar se Rrjeti i Organizatave Evropiane Monitoruese të zgjedhjeve kanë vëzhguar raundin e parë të zgjedhjeve lokale të 3 nëntorit, e pjesërisht edhe procesin e numërimit të votave dhe ka pohuar se do të monitorojnë edhe raundin e dytë të këtyre zgjedhjeve më 1 dhjetor.

Ai ka thënë se gjatë muajit janar misioni, të cilin e drejton, do të përgatisë Raportin final për ecurinë e këtyre zgjedhjeve, raport ky, për të cilin është shprehur i bindur se do të jetë shumë i vlefshëm edhe për reformën zgjedhore në Kosovë.

Vujovic e ka quajtur shumë pozitiv faktin që për herë të parë zgjedhjet lokale janë mbajtur në gjithë territorin e

Kryeparlamentari Krasniqi ka pohuar se sistemi aktual zgjedhor duket se është i komplikuar për një pjesë të madhe të qytetarëve të Kosovës, duke e ilustruar këtë me numrin shumë të madh të votave të pavlefshme, mbi 106 mijë sish, ose rreth mbi 12 për qind të numrit të përgjithshëm të votave.

Në këtë drejtim ai është angazhuar për një sistem më të thjeshtë dhe më të qartë zgjedhor, duke u shprehur i bindur se Raporti final i ENEMO-s për ecurinë e këtyre zgjedhjeve do ta ndihmojë reformën e sistemit zgjedhor në Kosovë. /PrizrenPress.com/

Më Shumë

Zogaj për degën e Gjykatës në Dragash: Të kthjellet, ose të mbyllet

Gjatë prezantimit të raportit të punës për tremujorin e parë të 2024-ës, kryetarja e Gjykatës në Prizren, Shpresa Emra mori kritika për degën në...

Xhamia e Mlikës së Dragashit më e vjetër në Kosovë, besohet se u ndërtua nga një familje siriane

Xhamia e ndërtuar 735 vjet më parë në fshatin Mlikë të Komunës së Dragashit në jug të Kosovës është xhamia më e vjetër në...

Lajmet e Fundit