11.8 C
Prizren
E martë, 28 Maj, 2024

Krasniqi: Zgjedhjet e lira janë shëndet i demokracisë

Krasniqi-GualtieriKryetari i Kuvendit të Republikës së Kosovës, Jakup Krasniqi, priti sot në takim shefin e vëzhguesve të zgjedhjeve në Kosovë, Roberto Gualtieri, me të cilin bisedoi për procesin zgjedhor të 3 nëntorit në Kosovë dhe mundësitë që ky proces të jetë sa më fer dhe demokratik.

Duke shprehur kënaqësinë për prezencën e vëzhguesve ndërkombëtarë në zgjedhje, kryetari Krasniqi theksoi rëndësinë e tyre për Kosovën, për faktin se ato do të mbahen në tërë territorin e Kosovës. Kryetari i Kuvendit shfaqi besimin që këto zgjedhje do të jenë të lira, fer dhe demokratike.

“Zgjedhjet e lira janë shëndet i demokracisë. Pa zgjedhje demokratike nuk mund të ketë as institucione demokratike”, u shpreh Krasniqi.

Ndërkaq, udhëheqësi i vëzhguesve ndërkombëtarë, Roberto Gualtieri, u shpreh i vetëdijshëm për rëndësinë e këtyre zgjedhjeve dhe të misionit që ai udhëheq, duke shfaqur besimin se prezenca e vëzhguesve ndërkombëtarë do t’i kontribuojë pozitivisht procesit zgjedhor.

Gualtieri e konsideroi të një rëndësie të veçantë mbajtjen e zgjedhjeve në tërë Kosovën dhe sipas ligjeve të saj, ndërsa konfirmoi se misioni i tij do ta mbulojë të gjithë territorin, përfshirë edhe veriun e vendit.

Në takim i bisedua edhe për reformën zgjedhore dhe nevojën e përfundimit të shpejtë të saj./PrizrenPress.com/

Më Shumë

Agron Llakaj humb bashkëshorten, fjalët e ndjera të aktorit: Sëmundja e pabesë na e mbylli perden e jetës!

Aktori i njohur i humorit, Agron Llakaj ka humbur bashkëshorten e tij, Konstandinën, si pasojë e një sëmundje. Përmes një mesazhi në rrjetet sociale,...

I konfiskohet leja vozitësit në Prizren

Drejtoria Rajonale e Policisë nw Prizren ka konfiskuar lejen e vozitësit për shkak të kundërvajtjeve të përsëritura në trafik. Shoferi është dënuar me nëntë...

Lajmet e Fundit