Kryeprokurori i Shteitit, Ismet Kabashi bëri të ditur se janë hapur 21 raste me 36 persona ku prej tyre 31 janë ndaluar me urdhër të prokurorit ndërsa 4 janë shoqëruar në stacione policore. Ndërkaq prej personave të paraqitur persona zyrtarë janë tetë, 3 komisioner dhe dy menaxher shkollash dhe tre vëzhgues, të gjithë këta ndërlidhen me veprat penale kundër të drejtave të votimit.
Kryeprokurori Ismet Kabashi sot paraqiti detaje lidhur me veprimet e prokurorëve kujdestarë gjatë ditës së djeshme të cilët kanë punuar në teren dhe janë marrë me rastet të cilat kanë pasur të bëjnë me veprat penale të cenimit të drejtës së votimit. Sa i përket veriut të vendit dhe rasteve që kanë të bëjnë me demolimin e vendvotimeve në dy shkolla, Kabashi sqaroi se në veri të Mitrovicës janë hapur dy raste për persona të panjohur.
“Policia e Kosovës ka bërë vend-shikimin dhe për masat e ndërmarra ka njoftuar prokurorin e Prokurorisë Themelore në Mitrovicë”, tha ai, transmeton RTK.
Kryeprokurori i Shteitit Ismet Kabashi bëri të ditur se gjithsej janë hapur 21 raste me 36 persona ku prej tyre 31 janë ndaluar me urdhër të prokurorit ndërsa 4 janë shoqëruar në stacione policore. Prej tyre persona zyrtarë janë tetë: 3 komisionerë, dy menaxher shkollash dhe tre vëzhgues. Kryeprokurori Kabashi bëri të ditur se memorandumi i nënshkruar lidhur me zgjedhjet lokale 2013, do të jetë në fuqi edhe për balotazh, ku do të veprohet sërish sikurse dje.