Kryesuesja e Kuvendit të Komunës së Prizrenit, Antigona Bytyqi ka pritur një delegacion ndërkombëtar, para të cilëve ka shpalosur përpjekjet e pushtetit lokal për transparencë dhe qeverisje të mirë.
Në njoftimin e Komunës së Prizrenit thuhet se vizita është realizuar në kuadër të shkëmbimit të përvojave mbi masat parandaluese kundër korrupsionit.
“Kryesuesja e Kuvendit të Komunës së Prizrenit, Antigona Bytyqi priti një delegacion ndërkombëtar nga UNDP-ja – përfaqësues nga Koreja e Jugut, Mongolia dhe Uzbekistani, për të shkëmbyer përvoja mbi masat parandaluese anti-korrupsion. Znj. Bytyqi, prezantoi angazhimet e Komunës për transparencë dhe qeverisje të mirë”, thuhet në njoftim.
Në të njëjtën kohë theksohet se kjo vizitë dëshmon rëndësinë e Prizrenit si “model rajonal në ndërtimin e institucioneve të përgjegjshme dhe të hapura”.
Marketing
