6.8 C
Prizren
E premte, 2 Dhjetor, 2022

Kryetari i Prizrenit inspekton punimet në Palestrën Sportive “Sezai Surroi”

Kryetari i Komunës së Prizrenit, Shaqir Totaj i shoqëruar nga Drejtori për Kulturë, Rini dhe Sport, Adem Morina kanë vizituar Palestrën Sportive “Sezai Surroi” në qytetin e Prizrenit, ku kanë filluar punimet për instalimin e sistemit të ngrohjes, ftohjes dhe ventilimit.

Palestra Sportive “Sezai Surroi” tash e 20 vite ka probleme me klimatizimin dhe ventilimin, të cilat i kanë munguar; kjo situatë ka vështirësuar funksionimin e saj, ushtrimet e ndeshjet e lojtarëve dhe ka zvogëluar numrin e shikuesve gjatë ndeshjeve sportive në sallë, për shkak të kushteve të papërshtatshme.

Sipas njoftimit të komunës punimet për instalimin e sistemit të ngrohjes, të ftohjes dhe ventilimit po kryhen me intensitet të shtuar që të kthehet salla në funksion, tashmë me kushte më të favorshme.

“Sportistët tanë meritojnë mbështetje dhe ndihmë nga institucionet relevante sepse ata janë krenaria jonë në arenën kombëtare dhe ndërkombëtare, prandaj ne jemi të përkushtuar të ju ofrojmë atyre kushte të dinjitetshme”, thuhet në njoftim. / PrizrenPress.com

Më Shumë

Arrestohet një 82-vjeçar në Prizren për dhunë në familje

Policia e Kosovës ka arrestuar të enjten një 82-vjeçar në Prizren, nën dyshimin se ka kryer dhunë ndaj familjarëve të tij. Sipas njoftimit të Policisë,...

Tërmet në Bosnjë dhe Hercegovinë

Një tërmet me magnitutë prej 4.6 ballë të shkallës Rihter, është regjistruar mëngjesin e sotëm në Bosnjë dhe Hercegovinë. Këtë e ka bëre të ditur...

Lajmet e Fundit