Kryetari i Komunës së Prizrenit, Ramadan Muja, nga viti 2010 e deri në vitin 2013 është dëshmuar si kursimtar, ngase paratë e gatshme në llogarinë e tij bankare prej viti në vit janë shtuar.
Por nga marsi i 2013-s e deri në mars të 2014-s, sipas deklaratës së pasurisë të publikuar nga Agjencia Kundër Korrupsionit, Muja nuk ka arritur që të kursejë asnjë cent më shumë, ndërkohë që ka vazhduar të jetojë në shtëpinë familjare të ndërtuar në vitin 1978, e të cilën e ka vlerësuar me 150 mijë euro.Në deklarimin e fundit të pasurisë Muja ka bërë të ditur se ka 59 mijë euro para të gatshme në bankë, shumë kjo e njëjtë që ishte deklaruar nga ai edhe në mars të 2013-s/Koha Ditore/