Kuvendi i Komunës së Prizrenit, themeloi dhe emëroi anëtarët e Komitetit për Politikë e Financa dhe Komitetin për Komunitete.
Në këtë seance është themeluar edhe grupi punues për hartimin e planit të punës së Kuvendit Komunal për vitin 2022.
Seanca filloi me dhënien e betimit të tre anëtarëve të rinj të Kuvendit dhe vazhdoi me parashtrimin e kërkesave dhe pyetjeve të qytetarëve nga kuvendarët për drejtoritë përkatëse.
Kuvendarët kanë marrë përgjigje për çështjet e ngritura nga kryetari dhe nga drejtorët.
Në këtë seancë kuvendaret shtruan edhe një serë pyetjesh e komentesh në adresë të kryetarit të komunës, Shaqir Totaj dhe drejtorëve të drejtorive komunale.
Totaj, falënderoi kuvendarët për pyetjet dhe komentet e tyre dhe i ftoi ata për bashkëpunim të vazhdueshëm për të mirën e qytetareve të komunës sonë.
Po ashtu kryetari i komunës kërkoi nga të gjithë drejtoret e drejtorive komunale, që të jenë transparent dhe të hapur për bashkëpunim më të gjithë.
Ditëve në vijim, pas formalizmit të vendimeve do i publikojmë në ueb faqe të komunës emrat dhe kontaktet e anëtareve të të dy komiteteve obligative të Kuvendit të Komunës, KPF-së dhe KK-së.