27 C
Prizren
E martë, 8 Korrik, 2025

Kuvendi s’e voton Tribunalin para zgjedhjeve

KuvendiKosoves5-27Legjislatura aktuale nuk do ta qesë si temë votimi Tribunalin ndërkombëtar që pritet të gjykojë krimet e luftës
Legjislatura aktuale nuk do ta qesë si temë votimi Tribunalin ndërkombëtar që pritet të gjykojë krimet e luftës, të cilat pretendohet të jenë kryer nga Ushtria Çlirimtare e Kosovës. Subjektet politike pritet të veprojnë kësisoj, pasi i frikësohen ndikimit që mund të ketë një vendim i këtillë në zgjedhjet nacionale – shkruan Koha Ditore.

Partia Demokratike e kryeministrit Hashim Thaçi dhe Lidhja Demokratike e kryeopozitarit Isa Mustafa janë dakorduar për të përshpejtuar ndryshimet ligjore për zgjedhje dhe që zgjedhjet të organizohen në gjysmën e parë të vitit. Po kështu edhe që zgjedhjet e parakohshme të shpallen vetëm pasi të shpërndahet Kuvendi. Nëse ata i qëndrojnë këtij përcaktimi, atëherë gjysma e majit është afati i skajshëm kur deputetët duhet ta shkarkojnë vetveten.

“Në kohë zgjedhjesh nuk mund të vendosim. PDK-ja nuk mund ta marrë gjithë përgjegjësinë për këtë. Duhet konsensus i të gjitha partive për ta votuar. Nëse vendos vetëm PDK-ja dëmtohet rëndë në zgjedhje. Aktualisht Kuvendi është shumë jostabil dhe jofunksional. Është vështirë të vendoset para zgjedhjeve, por edhe mund të jetë vonë pas zgjedhjeve, sepse nëse zgjedhjet mbahen në qershor, konsolidimi i institucioneve nuk mund të bëhet para shtatorit”, ka thënë një zyrtar në kushte anonimiteti. “Ndërkombëtarët po kërkojnë që të vendoset shumë më shpejt”.

Më Shumë

Djali i dëshmorit, Florenti, përjashtohet nga konkursi – kompania kërkon diplomë të shkollës së mesme, injoron atë të fakultetit

Florent Maçkaj, djali i dëshmorit Selver Maçkaj, ka ngritur publikisht akuza për përjashtim të padrejtë nga një konkurs i brendshëm pune në Kompaninë Rajonale...

QKMF në Prizren ofron shërbime laboratorike edhe të shtunave për bashkatdhetarët

Me qëllim të përmirësimit të shërbimeve për bashkatdhetarët që kthehen në vendlindje gjatë sezonit veror, kryetari i Komunës së Prizrenit, Shaqir Totaj, ka marrë...

Lajmet e Fundit